កីឡាករវ័យ២២ឆ្នាំម្នាក់នេះ បានបដិសេធន៍មិនព្រមចុះហត្ថលេខាលើកិច្ចព្រមព្រៀងថ្មី ហើយគេរំពឹងថា លោកនឹងផ្ទេរចេញអំឡុងទីផ្សារកីឡាករនាខែមករានេះ ក្នុងនោះក្លិបហង្សក្រហម Liverpool ស្ថិតនៅក្នុងចំណោមក្លិបជាច្រើនទៀត នៅក្របខណ្ឌ Barclays Premier League រង់ចាំតាមប្រមាញ់សេវាកម្មលេងរបស់គាត់។
លោក Steve Evans ជាអ្នកចាត់ការរបស់ក្លិប Leeds បាននិយាយថា កីឡាករ Sam បានសម្រេចចិត្តរួចហើយថា គាត់ត្រូវតែផ្ទេរចេញអំឡុងទីផ្សារកីឡាករ នាពេលខាងមុខនេះ។ លោកបាននិយាយថា កីឡាករម្នាក់នេះ ពេលលោកមកដល់ដំបូងលេងមិនសូវបានល្អនោះទេ តែពេលនេះគេអាចចាត់ទុកជាព្រះសង្គ្រោះមួយរបស់ក្រុម។
ដោយឡែក លោក Dougie Freedman គឺជាអ្នកចាត់ការរបស់ក្លិប Forest ដែលបានបដិសេធមិនព្រមចាប់ដៃជាមួយ លោក Evans ហាក់បីដូចជានៅមានមោទនភាពខ្លាំងចំពោះសកម្មភាពលេងក្រុមរបស់គាត់ ពោលគឺលោកមិនបានធ្វើការសុំទោសអ្វីឡើយ ចំពោះការមិនដាក់ខ្សែប្រយុទ្ធឲ្យចូលលេងនោះ បើទោះបីជាលេងនៅក្នុងទឹកដីរបស់ខ្លួនក៏ដោយ។
សូមបញ្ជាក់ថា អំឡុងការប្រកួតមួយនេះ ក្រុម Leeds ហាក់ដូចជាលេងលឿនៗ តែគ្រប់គ្រងការប្រកួតបានច្រើន ប៉ុន្តែហាក់ដូចជាមិនសូវរកឱកាសបានច្រើននោះទេ ពេលដែលក្រុម Forest ធ្វើការនាំមុខមុនដោយសារគ្រាប់បាល់ពីកីឡាករ Nélson Oliveira ពោល គឺមុនពេលដែលកីឡាករ Sam Bryam រកបានស្មើវិញធ្វើការប្រកួតបញ្ចប់ទៅក្នុងលទ្ធផលស្មើ ១-១៕
ConversionConversion EmoticonEmoticon